Foto: Akorda.kz
Memleket basshysy Qasym-Jomart Toqaev Parlament palatalarynyń tóraǵalarymen jáne Premer-Ministrmen Parlament Májilisin taratý jáne máslihattardyń ókilettigin merziminen buryn toqtatý jóninde keńes ótkizdi, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Qazaqstan halqy referendýmda saiasi ózgeristerge, sonyń ishinde Parlamentti jáne máslihattardy jasaqtaý tártibin jańartýǵa qoldaý bildirgenin aitty.
– Men qyrkúiektegi Joldaýymda alda turǵan sailaý naýqandary týraly aittym. Soǵan sáikes ótken jyldyń qarasha aiynda kezekten tys Prezident sailaýy ótti. Jýyrda Senat depýtattarynyń bir bóligi sailandy. Endi Májilis pen máslihat sailaýyn ótkizýimiz kerek, – dedi Prezident.
Memleket basshysy Konstitýtsiianyń 63-shi jáne 86-shy baptaryna sáikes ótkizgen keńes barysynda Parlament Senatynyń Tóraǵasy Máýlen Áshimbaev, Parlament Májilisiniń Tóraǵasy Erlan Qoshanov jáne Premer-Ministr Álihan Smaiylov sóz sóiledi.
Kezdesý sońynda Prezident barlyq aitylǵan oi-tujyrymdardy eskerip, naqty sheshim qabyldaitynyn málimdedi.
