Memleket basshysy Qasym-Jomart Toqaev Máskeý memlekettik halyqaralyq qatynastar ýniversitetine qalai oqýǵa túskenin, alǵan bilimi óziniń ómirinde qandai ról atqarǵanyn aitty. Bul týraly atalmysh ýniversitettiń 75 jyldyǵyna arnalǵan derekti filmde kórsetildi, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
Jýyrda «Birinshi arnanyń» efirinen Máskeý memlekettik halyqaralyq qatynastar ýniversitetiniń 75 jyldyǵyna arnalǵan «MGIMO na vseh iazykah mira» atty derekti film kórsetildi.
«Filmniń túsirýshileri osy biregei joǵary oqý ornynyń kóptegen ataqty túlekterimen kezdesken. Olardyń ishinde Memleket basshysy Qasym-Jomart Kemeluly Toqaev ta bar. Qazaqstan Prezidenti atalǵan joǵary oqý ornyna qalai oqýǵa túskenin, Máskeý memlekettik halyqaralyq qatynastar ýniversitetinde alǵan bilimi óziniń ómirinde qandai ról atqarǵanyn aitty. Memleket basshysynan bólek osy oqý ornynyń belgili túlekteri – Ázerbaijan Prezidenti Ilham Áliev, Eýropadaǵy qaýipsizdik jáne yntymaqtastyq uiymynyń tóraǵasy Miroslav Laichak, RF Syrtqy ister ministri Sergei Lavrov jáne basqa da iri saiasatkerler men biznesmender ózderiniń stýdent kezderindegi estelikterimen bólisti», dep jazdy Berik Ýáli Facebook-tegi paraqshasynda.
