Memleket basshysy Qasym-Jomart Toqaev halyq arasynda tarap jatqan alypqashpa áńgimelerdi joqqa shyǵardy, dep habarlaidy "Ult aqparat".
"Sońǵy ýaqytta "jer sheteldikterge satylady eken" nemese "kórshi eldiń 55 eski zaýytyn kóshiredi, oǵan sheteldik jumyskerler tartylady eken" degen siiaqty qaýeset áńgimeler tarap júr. Halqymyz mundai dańǵaza áńgimelerge ermeýi qajet. Ondai alypqashpa áńgimelerdi jaman oilaityndar taratady. Olar halyqtyń patriottyq ustanymyna sheber manipýliatsiia jasap otyrady", - dedi Toqaev ulttyq qoǵamdyq senim keńesiniń otyrysynda.
Prezidenttiń aitýynsha, ondaida emotsiiaǵa tez beriletin adamdardy paidalanyp jatady. Sóitip, óz maqsattaryna jetýge tyrysady.
"Bundai manipýliatsiialar geosaiasattyń bir bólshegi ekenin de túsiný kerek. Negizgi maqsat — halyqtyń birligin buzyp, Qazaqstandaǵy jaǵdaidy turaqsyzdandyrý. Alaida biz dana halyqpyz jáne ondaidy ajyrata alamyz. Al biliktiń negizgi mindeti — dialog arqyly halyqqa memlekettik saiastattyń maqsattaryn jan-jaqty túsindirý. Shyny kerek, dál osy jumysty kei kezde durys istemeimiz", — dep atap kórsetti Toqaev.
Osy oraida Toqaev jerge qatysty óz ustanymyn taǵy da jetkizdi. Sondai-aq, sheteldik investitsiialar ne úshin tartylyp jatqanyn túsindirdi.
"Biz ulttyq múddeni qashanda birinshi orynǵa qoiamyz. Taǵy da shegelep aitamyn, jerimizdi eshkimge bermeimiz, halqymyzdyń muń-muqtajyn árqashanda eskeremiz, basty nazarda bolady. Sheteldik investitsiialar tek qajetti salalarǵa ǵana tartylady. Jalpy, sheteldik investitsiialarsyz damýshy memleketter ómir súre almaimyz. Japoniia, Malaiziia, Singapýr, Ońtústik Koreia jáne taǵy basqa elder investiialardyń arqasynda jetistikke qol jetkizdi", — dedi Toqaev.
