Foto: Akorda.kz
Prezident Qasym-Jomart Toqaev Qytai Halyq Respýblikasyna memlekettik saparmen bardy, dep habarlaidy "Ult aqparat" Aqordanyń resmi saityna silteme jasap.
Sapar aiasynda Memleket basshysy QHR Tóraǵasy Si Tszinpinmen kelissóz júrgizedi. Kezdesý barysynda eki el arasyndaǵy strategiialyq seriktestikti odan ári nyǵaitý, saýda jáne ekonomika, investitsiia, kólik-logistika, energetika salalaryndaǵy yntymaqtastyqty keńeitý, sondai-aq mádeni-gýmanitarlyq bailanystardy tereńdetý máseleleri qarastyrylady.
Prezident 18 mamyrda Qytaidyń iri kompaniialarynyń basshylarymen kezdesedi jáne memlekettik sapar aiasynda birqatar shara ótkizedi, sondai-aq Sian qalasyndaǵy qurǵaq portta Qazaqstannyń logistika ortalyǵynyń irgetasyn qalaý rásimine qatysady.
Memleket basshysy 19 mamyrda «Ortalyq Aziia – Qytai» sammitine qatysady. Sonymen qatar Prezident elimizdiń Sian qalasyndaǵy Bas konsýldyǵynyń saltanatty túrde ashylý rásimine qatysady dep josparlanyp otyr.
