QR Prezidenti Qasym-Jomart Toqaev Erlan Baltabai men Iaroslav Golyshkinge raqymshylyq jasady. Bul týraly "Ult aqparat" Prezidenttiń baspasóz hatshysy Berik Ýálige silteme jasap habarlaidy.
Pavlodardaǵy «Versiia» gazetiniń bas redaktory bolǵan Iaroslav Golyshkin 2015 jyldyń 30 qazanynda bopsalaý jáne kámelet jasyna tolmaǵan tulǵany aýyr qylmysqa tartý baptary boiynsha sot sheshimimen 8 jylǵa bas bostandyǵynan aiyrylyp, búkil múlki tárkilengen bolatyn.
Al Shymkent qalasyndaǵy «Laiyqty eńbek» kásipodaq qozǵalysynyń jetekshisi bolǵan Erlan Baltabai bótenniń senip tapsyrǵan múlkin ielený baby boiynsha 7 jylǵa sottalyp, qoǵamdyq uiymdar men kommertsiialyq emes uiymdardy basqarý quqyǵynan aiyrylǵan. Oǵan kásipodaqqa tiesili 10,8 mln teńgeni jymqyrdy degen aiyp taǵylyp, sot kináli dep sheshken bolatyn.
