Memleket basshysy Qasym-Jomart Toqaev «31 arnada» kórsetilgen «Prezident 2.0» derekti filminde dini ustanymy týraly aitty, dep habarlaidy Sputnik Qazaqstan.
"Men - ateist emespin. Qudaidyń bar ekenine senemin. Árine, men - musylmanmyn. Biraq bes ýaqyt namaz oqityn musylman emespin. Meiram kezinde meshitke baryp turamyn", - dedi Toqaev.
Prezident óz ákesine Singapýrdan Quran kitabyn qalai alyp kelgenin de aityp berdi. Onyń aitýynsha, ákesi 63 jasynda qaitys bolypty. Shamamen 60 jasynda islam dinine qyzyǵýshylyǵy kúsheie túsken eken.
"Men Singapýrǵa baryp kelgennen keiin ol jerde Quran kitaby dúkende ashyq satylatyny jaiynda aittym. Tipti súreler jazylǵan plenkalardyń da bar ekenin jetkizdim. Sol kezde ákem onyń bárin alyp kelýdi ótindi. Men oilandym da, Quran men plenkalardy shekaradan ótkizýge bolmaitynyn aittym. Degenmen kishkentai bir Quran kitaby men plenkany alyp keldim. Ákem kommýnist bolsa, sonyń bárin tyńdady", - dep eske aldy Toqaev.
