Prezident Qasym-Jomart Toqaev Premer-Ministr Álihan Smaiylov, Tótenshe jaǵdailar ministri Iýrii Ilin jáne Qostanai oblysynyń ákimi Arhimed Muhambetovtyń órt aimaǵyndaǵy jedel jaǵdai týraly esebin tyńdady, - dep habarlaidy "Ult aqparat" Aqordaǵa silteme jasap.
Barlyq memlekettik organnyń jumysyn Prezident Ákimshiliginiń basshysy Murat Nurtileý men Prezidenttiń kómekshisi - Qaýipsizdik keńesiniń hatshysy Ǵizat Nurdáýletov úilestiredi. Olar Memleket basshysyna órtti aýyzdyqtaý jáne eldi mekenderden azamattardy evakýatsiialaý boiynsha qabyldanǵan sharalar týraly jedel baiandap otyr.
Prezident azamattardyń qaýipsizdigin qamtamasyz etý men órtti sóndirý sharalaryna basymdyq berýdi tapsyrdy. Sondai-aq Úkimetke tótenshe jaǵdaidyń saldaryn joiý úshin qajetti qarajat bólý týraly tapsyrma berildi.
