پرەزيدەنت قاسىم-جومارت توقاەۆ پرەمەر-مينيستر ەليحان سمايىلوۆ, تٶتەنشە جاعدايلار مينيسترٸ يۋريي يلين جەنە قوستاناي وبلىسىنىڭ ەكٸمٸ ارحيمەد مۇحامبەتوۆتىڭ ٶرت ايماعىنداعى جەدەل جاعداي تۋرالى ەسەبٸن تىڭدادى, - دەپ حابارلايدى "ۇلت اقپارات" اقورداعا سٸلتەمە جاساپ.
بارلىق مەملەكەتتٸك ورگاننىڭ جۇمىسىن پرەزيدەنت ەكٸمشٸلٸگٸنٸڭ باسشىسى مۇرات نۇرتٸلەۋ مەن پرەزيدەنتتٸڭ كٶمەكشٸسٸ - قاۋٸپسٸزدٸك كەڭەسٸنٸڭ حاتشىسى عيزات نۇردەۋلەتوۆ ٷيلەستٸرەدٸ. ولار مەملەكەت باسشىسىنا ٶرتتٸ اۋىزدىقتاۋ جەنە ەلدٸ مەكەندەردەن ازاماتتاردى ەۆاكۋاتسييالاۋ بويىنشا قابىلدانعان شارالار تۋرالى جەدەل بايانداپ وتىر.
پرەزيدەنت ازاماتتاردىڭ قاۋٸپسٸزدٸگٸن قامتاماسىز ەتۋ مەن ٶرتتٸ سٶندٸرۋ شارالارىنا باسىمدىق بەرۋدٸ تاپسىردى. سونداي-اق ٷكٸمەتكە تٶتەنشە جاعدايدىڭ سالدارىن جويۋ ٷشٸن قاجەتتٸ قاراجات بٶلۋ تۋرالى تاپسىرما بەرٸلدٸ.
