Elimiz pandemiianyń sharyqtaý sheginen ótkenimen, indetpen kúres áli aiaqtalǵan joq. Bul týraly Ulttyq qoǵamdyq senim keńesiniń 3-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Biz búgin erekshe jaǵdaida kezdesip otyrmyz. Koronavirýs indeti jumys tártibimizge eleýli ózgeris engizdi. Qazirgi tańda elimiz pandemiianyń sharyqtaý sheginen ótti. Biraq, indetpen kúres áli aiaqtalǵan joq. Bul indet - óte qaýipti. Batpandap kiredi, mysqaldap shyǵady. Koronavirýs qazirgi álemniń qundylyqtaryn aitarlyqtai ózgertti», - dedi Memleket basshysy.
QR Prezidenti densaýlyq saqtaý júiesiniń, ózin-ózi qamtýdyń, yntymaqtasý men jaýapkershiliktiń mańyzy arta túskenin basa aitty.
«Soǵan sáikes memleket qyzmetinde jáne qoǵamdyq ómirdiń barlyq salasynda túbegeili ózgerister bolmaq. Pandemiia bizdiń elimiz úshin de úlken synaq bolyp otyr. Qazaqstan halqy eshqashan qiyndyqqa moiyǵan emes. Bul joly da birligimizdiń bekem ekendigin kórsettik. Biz yrys pen yntymaqtyń arqasynda kez kelgen synaqty abyroimen eńseremiz dep senemin», - dedi Qasym-Jomart Toqaev.
