Memleket basshysy Qasym-Jomart Toqaev qorǵanys ministri Rýslan Jaqsylyqovty qabyldady, - dep habarlaidy "Ult aqparat" Aqorda saityna silteme jasap.
Memleket basshysy – Qarýly Kúshterdiń Joǵarǵy Bas qolbasshysyna Qazaqstan armiiasyn reformalaý úshin júrgizilip jatqan jumystar týraly esep berildi.
Rýslan Jaqsylyqov Prezidentke "Qaýipsiz el" ulttyq jobasynyń júzege asyrylý barysy týraly, sondai-aq Memleket basshysynyń Qarýly Kúshter qurylymy men quramyn jańǵyrtý jáne áskeri daiyndyqty jetildirý, tsifrlandyrý isin odan ary jalǵastyrý, áskeri infraqurylymdy damytý, áskeri qyzmettiń bedeli men tartymdylyǵyn arttyrý jóninde bergen tapsyrmalarynyń oryndalýy jóninde baiandady.
Qasym-Jomart Toqaevqa memlekettiń áskeri qaýipsizdigin qamtamasyz etý jónindegi, onyń ishinde Arnaiy operatsiialar kúshterin qalyptastyrý aiasyndaǵy mindetterdi sheshýdiń tiimdiligin arttyrýǵa baǵyttalǵan is-sharalar jóninde aqparat berildi.
Budan bólek, Joǵarǵy Bas qolbasshyǵa jeke quramnyń jabdyqtalýyna qatysty qazirgi ahýal, qarý-jaraq pen áskeri tehnikanyń jaǵdaiy, materialdyq-tehnikalyq quraldardyń qolda bar qory jóninde baiandaldy. Memleket basshysynyń tapsyrmasyn iske asyrý aiasynda áskeri vedomstvo otandyq qorǵanys-ónerkásip keshenimen ózara yqpaldasa otyryp, áskerdi tehnikalyq turǵydan qaita jaraqtaý sharalaryn qabyldap jatyr.
Kezdesý sońynda Prezident Qarýly Kúshterdiń keshendi ári júieli damýyn qamtamasyz etýge jáne olardyń qajetti deńgeidegi áskeri daiyndyǵyna qoldaý kórsetýge, sondai-aq elimizdiń qorǵanys qabiletin odan ary arttyrýǵa baǵyttalǵan birqatar tapsyrma berdi.
