Foto: Akorda.kz
Memleket basshysy Qorǵanys ministri Rýslan Jaqsylyqovty qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Prezident – Qazaqstan Respýblikasy Qarýly Kúshteriniń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń biylǵy atqarǵan jumystarynyń qorytyndysy jáne áskerdiń jaýyngerlik daiyndyǵyna qatysty jańa tásilder, oqý bazasy men poligondardyń jai-kúii týraly baiandaldy.
Sonymen qatar memlekettik qorǵanys tapsyrysyn oryndaý máselesine, ushqyshsyz ushatyn ushaq keshenderin, áýe shabýylyna qarsy qorǵanys áskerleriniń qarý-jaraǵyn, jańǵyrtylǵan brondy tehnika men bailanys quraldaryn qosa alǵanda, aviatsiialyq tehnikanyń jańa úlgilerimen qamtamasyz etýge erekshe nazar aýdaryldy.
Budan bólek, Prezidentke azamattardy merzimdi áskeri qyzmetke shaqyrý barysy, áskeri qyzmetshilerdiń mártebesi men olarǵa beriletin aqshalai qarajatty arttyrýǵa baǵyttalǵan sharalar týraly málimet berildi.
Qasym-Jomart Toqaev BUU aiasynda júzege asyrylatyn missiialarǵa qatysý úshin qazaqstandyq bitimgerlik kontingenttiń áleýetin arttyrý qajet ekenin atap ótti.
Kezdesý sońynda Memleket basshysy ministrge otandyq qorǵanys baǵytyndaǵy kásiporyndarmen yqpaldastyq jasaý, aýmaqtyq qorǵanysty jáne Arnaiy operatsiialarǵa qatysatyn kúshterdi damytý, áskeri-patriottyq jumysty kúsheitý jóninde birqatar mindet júktedi.
