Memleket basshysy Qasym-Jomart Toqaev Q.Qýanyshbaev atyndaǵy qazaq drama teatrynyń kórkemdik jetekshisi Talǵat Temenovti qabyldady, dep habarlaidy Aqordanyń baspasóz qyzmeti.
Kezdesý barysynda elimizdegi teatr ónerin damytý máseleleri talqylandy.
Qasym-Jomart Toqaevqa elordadaǵy Qazaq memlekettik akademiialyq mýzykalyq drama teatrynyń jańa ǵimaratyn salý jumystary boiynsha aqparat berildi.
Belgili teatr jáne kino rejisseri Talǵat Temenov bolashaqta mádeniet jylyn jariialaý, jas akterlerdiń áleýmettik jaǵdaiyn jaqsartý, baspanamen qamtý máseleleri boiynsha birqatar usynystar aitty.
Prezident Qasym-Jomart Toqaev halyqtyń rýhani suranysyn qamtamasyz etýde ónerdiń, sonyń ishinde teatrdyń mańyzyn atap ótip, aldaǵy ýaqytta mádenietke, teatr men kinoǵa memleket tarapynan tiisti deńgeide kóńil bólý jalǵasa beretinin aitty.
