Prezident Qasym-Jomart Toqaev Qazaqstanǵa qatysty jónsiz pikirler aitqan reseilik tulǵalarǵa narazylyq bildirdi, dep habarlaidy QazAqparat.
«Múmkin bul qisynsyzdaý da bolar, degenmen osy minberdi paidalanyp, birqatar reseilik depýtattyń Qazaqstanǵa qatysty múldem qisynsyz aitqan, naqty emes pikirlerine narazylyǵymdy bildirgim keledi. Jýrnalister, tipti mádeniet qairatkerleri bar. Búgin Kremldiń joǵarǵy basshylyǵynyń, túptep kelgende, ózge memleketterge, ásirese meniń elim Qazaqstanǵa qatysty ustanymyn jetkilikti túrde bildirgen Vladimir Pýtinge rizashylyǵymdy bildiremin. Shyndyǵynda, bizde túrli ádis-tásildermen kópirtip aitýǵa bolatyndai eshqandai másele joq», - dep atap ótti Qazaqstan Prezidenti Sankt-Peterbýrg Halyqaralyq ekonomikalyq forýmynda.
Memleket basshysynyń paiymynsha, barlyq alaýyzdyq eki el halyqtarynyń arasyna jáne Resei Federatsiiasynyń ózine ziianyn tigizedi.
«Osynaý pikirlerdiń barlyǵy men úshin túsiniksiz. "Kimniń diirmenine sý quiyp júr" demekshi, atalǵan qairatkerler qandai da bir ádistermen Qazaqstan basshylyǵynyń sheshimi bolsyn nemese elimizde oryn alyp jatqan oqiǵalarǵa bolsyn pikir bildiredi», - dedi Qasym-Jomart Toqaev.
