Foto: Akorda.kz
Prezident Qasym-Jomart Toqaev Ýkrainadaǵy jaǵdaiǵa qatysty Qazaqstannyń ustanymyn taǵy da aiqyndady, - dep habarlaidy "Ult aqparat" Aqordanyń baspasóz qyzmetine silteme jasap.
«Men bul kúrdeli máselege qatysty ustanymymyzdy aiqyndadym.
Birinshiden, biz BUU Jarǵysyn qatań saqtaýymyz kerek. Árine, Birikken Ulttar Uiymyn álemde teńdesi joq ári ámbebap uiym retinde qoldaýǵa tiispiz.
Ekinshiden, biz Qytaidyń, sondai-aq basqa da memleketterdiń barlyq beibit bastamasyn qoldaýymyz qajet.
Sondyqtan jaqyn arada Ýkrainadaǵy qarýly qaqtyǵys toqtaidy dep úmittenemiz. Sodan keiin álemniń osy bóliginde berik beibit ómir ornaityny týraly sóz qozǵai alamyz.
Qazaqstanǵa keletin bolsaq, biz osy maqsatqa qol jetkizýge óz úlesimizdi qosýǵa daiynbyz.
Sonymen qatar biz – Reseimen strategiialyq seriktespiz jáne birneshe uiymnyń múshesi ekenimizdi atap ótken jón. Sondyqtan bizdiń maqsatymyz – ekijaqty jáne halyqaralyq uiymdar aiasynda ózara yntymaqtastyǵymyzdy nyǵaitý úshin Reseimen tyǵyz bailanysty saqtaý» - dedi Memleket basshysy.
