Qazaqstannyń Táýelsizdigi pen egemendigine, onyń shekarasy men aýmaqtyq tutastyǵyna nuqsan keltiretin bir de bir kelisimge jol berilmeidi. QR Prezidenti Qasym-Jomart Toqaev Syrtqy ister ministrliginiń keńeitilgen alqa májilisinde osyndai pikir bildirdi, dep habarlaidy QazAqparat.
«Tórtinshi másele – álemdegi alpaýyt eldermen jáne óńirdegi yqpaldy memlekettermen teń dárejeli ári tiimdi yntymaqtastyq ornatý.
Qazir geosaiasi teketires beleń alýda. Qazaqstan eshkimmen jaýlaspaidy, halyqaralyq daýlarǵa kilikpeidi. Bizdiń tańdaǵan jolymyz – aiqyn.
Pragmatizmge negizdelgen salmaqty ári saliqaly saiasattan esh ainymaimyz. Biz ekijaqty jáne kópjaqty mindettemelerden bas tartpaimyz. Prezident daýly máseleler týyndasa, ulttyq múddemizge sai utymdy sheshim tabýǵa umtylamyz», - dedi Memleket basshysy.
Sondai-aq Memleket basshysy Táýelsizdik pen egemendikke, elimizdiń shekarasy men aýmaqtyq tutastyǵyna nuqsan keltiretin bir de bir kelisimge jol berilmeitinin basa aitty.
«Óitkeni, osy qasietti qundylyqtar biz úshin bárinen qymbat. Biz eń aldymen, Qazaqstannyń múddelerin tabandylyqpen qorǵaýymyz qajet», - dedi Qasym-Jomart Toqaev.
