Memleket basshysy Qasym-Jomart Toqaev kózqarasy men nanym-senimi ártúrli qazaqstandyqtardy bir-birin túsinýge shaqyrdy, dep habarlaidy Sputnik Qazaqstan.
Prezident zań azamattardyń ózekti problemalaryn sheshý úshin jetildirilip otyrýǵa tiis ekenin atap ótti.
"Zań, ádildik jáne tártip bizdiń baqýatty ómirimizdi aiqyndaityn naqty faktorlarǵa ainalady. Biz kózqarasymyz men nanym-senimimiz ártúrli bolǵanyna qaramastan, bir-birimizdi qabyldap, túsinýimiz kerek. Túiisý núktelerin izdep, bizdi biriktiretin dúnielerdi nyǵaitýymyz qajet. "Ártúrli kózqaras, biraq bir ult" qaǵidaty eshqashan ózgermeidi", - dedi Toqaev Qazaqstan halqy assambleiasynyń sessiiasynda.
Prezident patriotizmniń joǵary qundylyqtaryn, dostyq pen birlikti saqtaýǵa, dushpandyq pen arsyzdyqqa jol bermeýge shaqyrdy.
"Biz barlyq josparymyzdy mindetti túrde júzege asyramyz. Men buǵan kámil senemin. Biz Ekinshi Respýblikany birge quramyz, Jańa Qazaqstandy birge órkendetemiz!", - dedi ol.
Toqaev Qazaqstan ár azamatqa birdei múmkindik beretin ádil ári damyǵan memleket bolatynyna senetinin jetkizdi.
