Foto: Aqorda
Maman daiarlaý isi ekonomikanyń naqty sektorlarynda jasandy intellekti men jańa tehnologiialardy igerý qarqynyna ilese almai otyr. Bul týraly búgin, Úkimettiń jalpy otyrysynda memleket basshysy Qasym-Jomart Toqaev málimdedi, dep habarlaidy Ult.kz.
Prezidenttiń sózinshe oqý baǵdarlamalary men standarttary jańaryp úlgergenshe, mamandyqtar ózgerip ketip jatyr. Demek jai ǵana IT-mamandardyń sanyn kóbeitý jáne jalpy tsifrlyq daǵdylardy úiretý jetkiliksiz.
"Elimizge jasandy intellektini kez kelgen salada qoldana biletin kásibi mamandar qajet. Olar naqty jumys oryndaryndaǵy eńbek ónimdiligin arttyrady. Osyǵan orai Úkimetke jetekshi kompaniialarmen birlesip, memleket pen jeke seriktestik negizinde Ulttyq mamandyqtar transformatsiiasy ortalyǵyn qurýdy tapsyramyn. Ol ortalyqty memlekettik emes kompaniialardyń konsortsiýmy basqarǵany durys. Óitkeni biznes tezirek beiimdeledi ári naryq talaptaryn jaqsy biledi", - dedi ol.
Sonymen qatar Toqaev óz kezeginde, Úkimet erejelerdi aiqyndap, ashyqtyq pen suranysty qamtamasyz etýge, tiimdi sheshimderdi jappai taratýǵa kómektese alatynyn aitty.
