Memleket basshysy Qasym-Jomart Toqaev Qazaqstan halqynyń sany 19 millionǵa jetkenin súiinshiledi, - dep habarlaidy "Ult aqparat".
Bul týraly Toqaev Twitter jelisinde jazdy.
"Táýelsizdiktiń 30 jyldyǵy qarsańynda Qazaqstan halqynyń sany tarihi mejege jetti. Almaty oblysynda dúniege kelgen Jániia Azamatqyzy elimizdiń on toǵyz millionynshy azamaty retinde tirkeldi. Jániia - otbasynda tórtinshi bala. Ata-anasy men qazaqstandyqtardy osy qýanyshpen quttyqtaimyn. Baýy berik bolsyn!", - dep tiledi Prezident.
2021 jyldyń 1 sáýirindegi málimet boiynsha Qazaqstan halqynyń sany shamamen 18 940 400 adamǵa jetken bolatyn. Onyń ishinde qalalarda – 11 204 800 (59,2%), aýyldarda – 7 735 600 (40,8%) adam.
Eske sala keteiik, Qazaqstanda 1 qyrkúiek pen 30 qazan aralyǵynda ulttyq sanaq ótedi. Oǵan onlain rejimde de, dástúrli ádispen de qatysýǵa bolady. Sanaqtyń urany – "Qazaqstanda árkim mańyzdy!".
