Qazaqstan shetel investitsiiasyn tartýǵa barynsha qolaily jaǵdai jasaý saiasatyn jalǵastyrady. Bul týraly Sheteldik investorlar keńesiniń 33-shi jalpy otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Búgingi jalpy otyrystyń taqyryby shikizattyq emes sektordy damytýǵa arnalǵan. Uzaqqa sozylǵan shikizattyq sýpertsikldiń aiaqtalatyndyǵyn birneshe ret atap etken edim. Munaiǵa suranys pen onyń baǵasynyń osyǵan deiin aýytqýyna qaraǵanda bul jolǵy koniýnktýra ahýalǵa bailanysty naryqtyq sebeptermen ǵana aiqyndalmaidy. Ol bizdiń kóz aldymyzda ótip jatqan tereń tehnologiialyq qozǵalysqa baǵynady. Ulttyq ekonomikany jasyldandyrý boiynsha josparlar men boljamdar memlekettik saiasattyń naqty is-sharalaryna ainalýda. Bul qazaqstandyq ekonomikanyń tehnologiialyq kúrdelenýi men aýqymdy jasyldanýyn ártaraptandyrýda balamasyz ekendigin dáleldeidi», - dedi Memleket basshysy.
Qasym-Jomart Toqaev Qazaqstan ekonomikalyq júie retinde ishki investitsiiaǵa, ishki suranys pen shikizat eksportyna ǵana arqa súiei almaityndyǵyn basa aitty.
«Elimiz sapaly sheteldik investitsiia tartýǵa barynsha qolaily jaǵdai jasaý saiasatyn jalǵastyrady. Biz óńirdegi jáne TMD-daǵy kóshbasshylyǵymyzdy saqtap qalýǵa niettemiz. Qazaqstandyq lokaldi qun qurý boiynsha ishki suranys pen óndiris bóligindegi saiasatymyz ózgerissiz qalady. Buǵan qosa, mundai is-sharalar barynsha naryqtyq bolýy tiis. Olar burmalanbaýy kerek. Olai bolǵan jaǵdaida jahandyq nemese óńirlik básekege qabilettilikke qol jetkizý múmkin emes», - dedi QR Prezidenti.
