Foto: inbusiness.kz
Memleket basshysy Qasym-Jomart Toqaev elimizdiń áleýmettik-ekonomikalyq damý máseleleri jónindegi keńeitilgen keńeste sý máselesine toqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Sýdyń da suraýy bar". Ony neǵurlym kóp tutynsań, soǵurlym kóp aqsha tóleisiń. Bul - jurtty únemshil bolýǵa úiretetin ádiletti jáne qarapaiym ustanym. Damyǵan elderdiń turǵyndary ár nárseniń qadirin biledi. Únemshildik olardyń ómir saltyna ainalǵan. Tipti, sý men jylýdy ysyrap etpeýdi balalarǵa jastaiynan úiretedi.
Bizdiń azamattarymyz da osyndai únemshil bolýy kerek. Ásirese, sýdy únemdep tutynýymyz kerek. Men sý tapshylyǵynyń artyp jatqanyn udaiy aityp júrmin. Sarapshylardyń paiymdaýynsha, 2040 jylǵa qarai sýǵa degen suranys 50 paiyzǵa artady. Qazaqstan 2050 jylǵa qarai "sýǵa óte muqtaj" elderdiń sanatyna kirýi múmkin. Qazir elimizde 600 myńnan asa adam taza aýyzsýǵa zárý. Bul - aýyldaǵy aǵaiyn ǵana emes, qala halqy úshin de óte ózekti másele.
Iri shaharlardyń infraqurylymy jyldan-jylǵa artyp kele jatqan suranysqa jaýap bere almai otyr. Tipti, Astananyń ózinde sý tapshylyǵy qatty sezile bastady. Basty sebeptiń biri - qurylystyń kóbeiýi. Únemshil bolmasaq, taza sý beretin jańa nysandardy iske qosqanmen, tapshylyqty joia almaimyz", - dedi Prezident.
