QR Prezidenti qaýipsizdik sertifikatyn testileýden ótkizgeni úshin QR Ulttyq qaýipsizdik komitetine alǵys aitty, dep habarlaidy "Ult aqparat".
«UQK meniń tapsyrmam boiynsha Kiberqalqan baǵdarlamasy aiasynda qaýipsizdik sertifikatyn testileýden ótkizdi. QR aqparat keńistigi qorǵalyp turǵany jáne syrttan shabýyl jasalǵan jaǵdaida sertifikatty qoldana alatynymyz dáleldendi. Internet qoldanýshylaryna yńǵaisyzdyq joiyldy. UQK-ge alǵys aitamyn» dep jazdy Memleket basshysy Qasym-Jomart Toqaev Twitter-degi paraqshasynda.
Sondai-aq Memleket basshysy internet qoldanýshylarǵa qolaisyzdyq bolmaitynyn atap ótti.
«Kiberqalqan baǵdarlamasy boiynsha qaýipsizdik sertifikatyn testileýdiń jedel aiaqtalýy syrttan qaýip tóngende tehnikalyq jabdyqtalý deńgeiiniń joǵary ekenin kórsetti. Mundai jaǵdailar buryn bolǵan. Eń bastysy - QR internet qoldanýshylaryna qolaisyzdyq bolmaidy. Qaýiptenýge esh negiz joq», - dedi ol.
Aita keteiik, buǵan deiin UQK qaýipsizdik sertifikatyn testileýden ótkizýdi toqtatatynyn habarlaǵan bolatynbyz.
