Foto: Akorda.kz
Memleket basshysy Qaýipsizdik Keńesiniń otyrysyn ótkizdi, - dep habarlaidy "Ult aqparat" Aqordaǵa silteme jasap.
Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń otyrysy ótti. Jiynda elimizdiń kólik-logistika áleýetin júzege asyrý barysynda kezdesetin strategiialyq syn-qaterler qarastyryldy.
Memlekettik organdar men ulttyq kompaniialardyń basshylary temirjol, avtomobil, teńiz, áýe kólikteri, sondai-aq qubyr arqyly tasymaldaý baǵyttarynda jii ushyrasatyn problemalardy sheshý úshin atqarylyp jatqan jumystar jóninde baiandama jasady.
Memleket basshysy tranzittik júk tasymalyn, sonyń ishinde Transkaspii halyqaralyq kólik baǵdary arqyly tasymaldaý isin damytýdyń ózektiligine nazar aýdardy. Sondai-aq otandyq ónimderdi eksporttaý úshin transport áleýetin ulǵaitý mańyzdy ekenin atap ótti. Ol úshin infraqurylymdyq shekteýler men basqa da kedergilerdi joiyp, kólik-logistika qyzmetiniń sapasyn arttyrý jáne tarif qalyptastyrý júiesin jetildirý qajet.
Jiyn barysynda ónerkásip, eksport jáne tranzit áleýetin qatar damytý, infraqurylym qurylysynyń zamanaýi standarttaryn engizý jáne kólik-logistika salasynyń ekonomikaǵa mýltiplikativti áserin qamtamasyz etý máselelerine airyqsha mán berildi.
Keńes qorytyndysy boiynsha Prezident Úkimetke birqatar naqty tapsyrma berdi.
