Memleket basshysy Qasym-Jomart Toqaev Irlandiia Premer-Ministri Leo Varadkarmen telefon arqyly sóilesti, dep habarlaidy Aqorda.
Áńgimelesý barysynda ekijaqty yntymaqtastyqtyń aǵymdaǵy jaǵdaiy men saiasi jáne saýda-ekonomikalyq yntymaqtastyqty damytýdyń keleshegi talqylandy. Taraptar iskerlik bailanystardy kúsheitýge jáne aýylsharýashylyǵy, joǵary tehnologiialar men innovatsiialar salalaryndaǵy birlesken investitsiialyq jobalardy iske asyrýǵa múddelilik bildirdi.
Qasym-Jomart Toqaev jáne Leo Varadkar halyqaralyq kún tártibindegi birqatar ózekti máseleler qozǵady, onyń ishinde, BUU jáne basqa da kópjaqty qurylymdar alańynda Qazaqstan men Irlandiianyń ózara árekettesýi jóninde pikir almasty. Atap aitqanda, jahandyq beibitshilik pen qaýipsizdikti turaqty damytý men ilgeriletýdi qamtamasyz etý máseleleri boiynsha syndarly dialogty jalǵastyrýǵa daiyn ekenderin bildirdi.
Taraptar koronavirýs indetiniń taralýyna erekshe toqtaldy. Qazaqstan Prezidenti jáne Irlandiianyń Premer-Ministri eki eldiń pandemiianyń keri saldaryn jeńildetý boiynsha keshendi sharalar, onyń ishinde, turǵyndardyń az qamtylǵan toptaryn qoldaý jáne daǵdarystan keiingi kezeńde iskerlik belsendilikti yntalandyrý jumystaryn joǵary baǵalady.
Telefon arqyly sóilesýge Leo Varadkar bastamashy boldy.
