«Qazaqstannyń 100 jańa esimi» jobasynyń jeńimpazdarymen kezdesken Prezident Qasym-Jomart Toqaev Grammy iegeri Imanbek Zeikenovtiń jeńisi týraly pikir bildirdi, dep habarlaidy "Ult aqparat".
«Elbasy bastamashy bolǵan «100 jańa esim» jobasy – bul shyn máninde bizdiń ultymyzdyń jasampaz energiiasy men táýelsizdigimizdiń qasietti mániniń iske asýyna ainalǵan otandastarymyzdyń jetistikteriniń áserli oqiǵalarynyń jarqyn kórinisi. Bul joba osymen tórtinshi jyl qatarynan elimizdi talantty jáne talapty qazaqstandyqtarmen tanystyryp otyr. Joba bastalǵannan beri oǵan 7,5 myńnan astam adam qatysty. Olardyń ómir joldary ár túrli, olar ár túrli jastyń jáne ár túrli ulttyń ókilderi, ár túrli qyzmet salasynan jáne Qazaqstannyń túkpir-túkpirinen shyqqan. Biraq olardy eńbeksúigishtik jáne jasampazdyqqa degen umtylys, ózine degen senim jáne súiikti isine tolyq berilý siiaqty ortaq qundylyqtar men kózqarastar biriktiredi», - degen Memleket basshysy jobanyń arqasynda búkil el dáriger-reprodýktolog Aidos Ibragimovtyń saýapty isterinen habardar bolǵanyn atap ótti.
«Ol óziniń biregei emdeý ádistemesimen kóptegen adamdarǵa balaly bolýǵa kómektesti. Jaqynda eń bedeldi «Grammy» syilyǵyn alǵan mýzykant, 2019 jylǵy jobanyń finalisi Imanbek Zeikenovtiń esimi búkil álemge áigili boldy. Onyń jetistigi tek Qazaqstan úshin ǵana emes, búkil TMD úshin teńdesi joq», - dedi Prezident.
Qasym-Jomart Toqaev «Qazaqstannyń 100 jańa esimi» jobasyna pandemiia kezindegi shekteýlerge qaramastan, rekordtyq mólsherde 2790 adam eske saldy.
