Memleket basshysy Qasym-Jomart Toqaev Grýziianyń premer-ministri Iraklii Garibashvilimen kezdesti, - dep habarlaidy "Ult aqparat" Aqordaǵa silteme jasap.
Kezdesýde ekijaqty yqpaldastyqtyń ózekti máseleleri talqylandy.
"Sizdiń nazaryńyzdy mynadai baǵyttardaǵy yntymaqtastyqty damytý perspektivalaryna aýdarǵym keledi. Atap aitqanda, ózara saýda kólemin ulǵaitý. Meniń oiymsha, biz ónimderdi ózara jetkizýdi arttyra alamyz. Qazaqstanǵa jáne Ortalyq Aziianyń basqa da elderine taýar jetkizý jaǵynan Grýziianyń úlken qory bar. Osy baǵytta tyǵyz jumys isteýge daiynbyz", - dedi Qasym-Jomart Toqaev.
