Foto: Akorda.kz
Prezidenttiń Germaniiaǵa resmi saparynyń ekinshi kúni Federaldyq Prezident Frank-Valter Shtainmaiermen kezdesýden bastaldy, dep habarlaidy "Ult aqparat" Aqordanyń baspasóz qyzmetine silteme jasap.
Taraptar Germaniia Prezidentiniń taiaýda Qazaqstanǵa jasaǵan sapary aiasynda qol jetkizilgen ýaǵdalastyqtardyń júzege asyrylý barysyn qarastyrdy. Atap aitqanda, energetika, tranzit, logistika, paidaly qazbalardy igerý, jańartylatyn energiia kózderi, aýyl sharýashylyǵy jáne tsifrlandyrý sekildi yntymaqtastyqtyń basym baǵyttaryna qatysty birlesken jumystardy talqylady.
Kelissóz barysynda mádeni-gýmanitarlyq bailanystardy, sondai-aq eki eldiń ǵylymi jáne bilim berý uiymdary arasyndaǵy qatynastardy nyǵaitý máselesine basa mán berildi.
Qasym-Jomart Toqaev pen Frank-Valter Shtainmaier Qazaqstan men Germaniianyń kópjaqty yntymaqtastyǵyn odan ári nyǵaitý úshin birlesken is-qimyldardy arttyra túsýge ýaǵdalasty.
Memleket basshysy Germaniia Prezidentiniń Bellevue rezidentsiiasyndaǵy Qurmetti qonaqtar kitabyna estelik qoltańba qaldyrdy.
