Foto: Akorda.kz
Memleket basshysy Eýropa Odaǵynyń Qazaqstandaǵy elshisi Kestýtis Iankaýskasty qabyldady, - dep habarlaidy "Ult aqparat" Aqordaǵa silteme jasap.
Kezdesýde Qazaqstan men Eýropa Odaǵy arasyndaǵy qarym-qatynastardyń basym baǵyttary qarastyryldy.
Memleket basshysy Qazaqstannyń Eýropa Odaǵymen strategiialyq seriktestigin odan ári nyǵaitýǵa beiildiligin, sondai-aq elimizdiń bastamasymen qolǵa alynǵan S5+EO formaty aiasyndaǵy kópjaqty yntymaqtastyqty odan ári ilgeriletýge nietti ekenin rastady.
Budan bólek, Prezident saiasi reformalardyń tabysty júzege asyrylyp jatqany týraly aityp, demokratiiany nyǵaitý isinde Qazaqstandy qoldaǵany úshin Eýropa Odaǵyna rizashylyǵyn bildirdi.
Kezdesý barysynda asa mańyzdy shikizat materialdary, «jasyl» ekonomikalyq ósim, kólik, logistika jáne aýyl sharýashylyǵy salalaryndaǵy yqpaldastyqqa erekshe nazar aýdaryldy.
