Qasym-Jomart Toqaev Eýropalyq Odaqtyń Ortalyq Aziia jónindegi arnaiy ókili Peter Býriandy qabyldady, dep habarlaidy "Ult aqparat".
Kezdesý barysynda taraptar Keńeitilgen áriptestik pen yntymaqtastyq týraly kelisim jáne Ortalyq Aziia boiynsha Eýropalyq Odaqtyń jańa strategiiasy aiasynda, Qazaqstan men Eýroodaq arasyndaǵy strategiialyq áriptestikti tereńdetý máselelerin talqylady.
«Qazaqstan syrtqy ekonomikalyq jáne investitsiialyq áriptesi - Eýropalyq Odaqpen jan-jaqty jáne kóp baǵytty ózara is-qimyldardy damytýǵa úlken mán beredi", - dep atap ótti Memleket basshysy.
Qasym-Jomart Toqaev Eýropalyq komissiianyń tóraǵasy Ýrsýla fon der Liaiendi, Eýropalyq Keńestiń prezidenti Sharl Misheldi jáne Eýropalyq ortalyq bank tóraǵasy Kristin Lagardty joǵary laýazymdarǵa sailanýymen quttyqtap, EO basshylyǵynyń jańa «úshtigimen» ashyq jáne senimdi dialog taraptardyń saiasi jáne ekonomikalyq yntymaqtastyǵyn odan ári jandandyrýǵa yqpal etetinine senim bildirdi.
Peter Býriannyń pikirinshe, Memleket basshysynyń Qazaqstandy jańǵyrtý jónindegi bastamalary men basymdyqtary azamattardyń áleýmettik ál-aýqaty men zań ústemdiginiń jalpy qabyldanǵan printsipterin basty nazarda ustap, eldiń damý tarihynda jańa kezeńge bastaidy.
Eýropalyq Odaqtyń arnaiy ókili halyqaralyq qaýipsizdik pen yntymaqtastyqty nyǵaitýǵa, onyń ishinde Ortalyq Aziia men Aýǵanstandaǵy bizdiń elimizdiń róli men úlesin joǵary baǵalady.
