Memleket basshysy Qasym-Jomart Toqaevtyń Ókimimen Maǵzum Myrzaǵaliev Energetika ministri qyzmetine taǵaiyndaldy, dep habarlady Aqordanyń resmi saity.
"Maǵzum Maratuly Myrzaǵaliev Qazaqstan Respýblikasynyń energetika ministri bolyp taǵaiyndalsyn, ol Qazaqstan Respýblikasynyń ekologiia, geologiia jáne tabiǵi resýrstar ministri laýazymynan bosatylsyn", - delingen Qujatta.
Jańa ministrdiń kandidatýrasyn májilis depýtattary maquldady. Maǵzum Myrzaǵaliev aldymen suraqtarǵa jaýap berip, energetika salasyn damytýǵa qatysty óz oiyn aitty.
Atap aitqanda, prezidenttiń qaýipsiz jáne ekologiialyq atom energetikasyn damytý tapsyramasyna basymdyq berildi. Budan bólek, depýtattar gazdandyrý jáne munai-gaz salasyn damytý máselesine nazar aýdardy. Balamaly energetikany nyǵaitý jaiy da sóz boldy.
Aita keteri, buǵan deiin Energetika ministri bolǵan Nurlan Noǵaev 7 qyrkúiekte Mańǵystaý oblysynyń ákimi bolyp taǵaiyndalǵan edi.
Maǵzum Myrzaǵaliev týraly ne bilemiz?
1978 jyly Almaty qalasynda dúniege kelgen. 1999 jyly "Turan" ýniversitetin "ekonomist" mamandyǵy boiynsha támamdaǵan. Al 2003 jyly syrtqy ister ministrliginiń diplomatiialyq akademiiasyn "halyqaralyq qatynastar ekonomisi" boiynsha bitirdi.
2000-2001 jyldary – Aqmola oblystyq orman basqarmasynyń qarjy jáne ekonomikalyq taldaý bóliminiń bas mamany;
2001-2002 jyldary – MI Drilling Fluids International Atyraý bólimshesiniń tehnika qaýipsizdigi menedjeri;
2002-2004 jyldary – Hiýston (AQSh) jáne Kýala-Lýmpýr (Malaiziia) qalalarynda taǵylymdamadan ótti;
2004-2007 jyldary – "MI Drilling Fluids International" Aqtaý bólimshesiniń óndiris boiynsha menedjeri;
2007-2010 jyldary – "TeńizServis" JShS bas direktory;
2010-2012 jyldary – "QazMunaiGaz" UK" AQ servistik jobalar jónindegi basqarýshy direktory;
2012-2013 jyldary – "QazMunaiGaz" UK" AQ servistik jobalar men innovatsiialyq damý jónindegi basqarma tóraǵasynyń orynbasary;
2013 jyldyń qazanynan bastap – munai jáne gaz vitse-ministri;
2014 jyldyń tamyzynan bastap 2019 jyldyń maýsymyna deiin – energetika vitse-ministri;
2019 jyldan bastap búginge deiin ekologiia, geologiia jáne tabiǵi resýrstar ministri qyzmetin atqardy.
