Búgin Qazaqstan Prezidenti Qasym-Jomart Toqaev Ekonomikalyq yntymaqtastyq jáne damý uiymy Konventsiiasynyń qabyldanǵanyna 60 jyl tolýyna orai EYDU-ǵa múshe memleket jáne úkimet basshylarynyń, EO men Kosta-Rika basshylarynyń qatysýymen ótip jatqan onlain forýmynda beine úndeý jasady. Is-shara 15 jeltoqsanǵa deiin jalǵasady. Bul týraly Prezidenttiń baspasóz hatshysy Berik Ýáli jelidegi paraqshasynda jazdy.
Forýmdy Frantsiia prezidenti Emmanýel Makron, Ispaniia Premer-ministri Pedro Sanches jáne EYDU bas hatshysy Anhel Gýrriia birlesip ótkizip otyr. Is-sharada álemdik ekonomikanyń jai-kúii, uzaq merzimdi úrdister jáne EYDU-nyń «jaqsy ómir úshin jaqsy saiasat» ustanymyn qalyptastyrýǵa qosqan naqty úlesi qorytyndylanady.
Memleket basshysy óziniń beine úndeýinde Qazaqstan men Ekonomikalyq yntymaqtastyq jáne damý uiymy arasyndaǵy ózara is-qimyldyń negizgi baǵyttary men basymdyqtary jaiynda aitty.
