Memleket basshysy Qasym-Jomart Toqaev ekologiia, geologiia jáne tabiǵi resýrstar ministrin taǵaiyndady, dep habarlaidy "Ult aqparat" Aqordaǵa silteme jassap.
"Qazaqstan Respýblikasynyń Ekologiia, geologiia jáne tabiǵi resýrstar ministri bolyp Brekeshev Serikqali Amanǵaliuly taǵaiyndalsyn", - delingen buiyryq mátininde.
Buǵan deiin Májilis Brekeshevtiń Ekologiia, geologiia jáne tabiǵi resýrstar ministri retindegi kandidatýrasyn maquldady. Serikqali Brekeshev depýtattarǵa Qazaqstannyń sý salasyn reformalaý, sýdy únemdeý jáne tsifrlyq tehnologiialardy engizý jospary týraly aityp berdi. Sonymen qatar ministrliktiń geologiialyq barlaý salasynyń da usynystary tanystyryldy.
Aita keteiik, vedomstvonyń burynǵy basshysy Maǵzum Myrzaǵaliev energetika ministri bolyp taǵaiyndalǵan edi.
Jańa ministrdiń ómirbaiany
Serikqali Brekeshev 1972 jyly 14 qazanda Pavlodar qalasynda dúniege kelgen.
1995 jyly Atyraý politehnikalyq institýtyn "munai jáne gaz ken oryndaryn igerý" mamandyǵy boiynsha támamdaǵan.
1995-1997 jyldary "Qazaqstan-Resei saýda úii" BK bas direktorynyń orynbasary, ekonomist bolyp jumys istegen.
1997 jyly Aqtaý qalasy boiynsha Salyq bóliminiń jedel bóliminiń inspektory qyzmetin atqardy.
1997-1998 jyldary "Mańǵystaýmunaigaz" AQ "Munaigermes" materialdyq-tehnikalyq qamtamasyz etý jáne ónimdi ótkizý basqarmasy filialynyń qubyrlar jáne metall buiymdary bóliminiń 8-shi razriadty injeneri, kólik, arnaiy tehnika men qosalqy bólshekter bóliminiń injeneri.
1998-2006 jyldary - "Qaraqudyqmunai" JAQ paidalaný jónindegi injeneri, ken ornynda munai óndirý sheberi, kásipshilik menedjeri.
2007-2014 jyldary energetika jáne mineraldy resýrstar, munai jáne gaz ministrlikterinde basshylyq laýazymdardy atqardy.
2015 jyldan bastap "QazTransGaz" AQ qurylymynda jumys istedi - Tehnikalyq saiasat departamentiniń direktory, GTJ basqarý jónindegi basqarýshy direktor, tehnikalyq saiasat jónindegi basqarýshy direktor, óndiristik-tehnikalyq departamenttiń direktory, bas direktordyń tehnikalyq saiasat jónindegi orynbasary qyzmetterin atqardy.
