Prezident Qasym-Jomart Toqaev Eýraziialyq ekonomikalyq odaqqa múshe memleketterdiń úkimet basshylarymen kezdesti, - dep habarlaidy Aqorda.
Jiynǵa Armeniia Premer-ministri Nikol Pashinian, Belarýs Premer-ministri Roman Golovchenko, Qazaqstan Premer-ministri Álihan Smaiylov, Qyrǵyz Respýblikasy Ministrler kabinetiniń tóraǵasy – Prezident Ákimshiliginiń basshysy Aqylbek Japarov, Resei Úkimetiniń tóraǵasy Mihail Mishýstin, sondai-aq baqylaýshy memlekettiń ókili retinde Ózbekstan Premer-ministri Abdýlla Aripov pen Eýraziialyq ekonomikalyq komissiia Alqasynyń tóraǵasy Mihail Miasnikovich qatysty.
Memleket basshysynyń aitýynsha, búgingi kezdesý geosaiasi ahýaldyń óte qatty ýshyǵyp turǵan kezinde ótip jatyr.
– Bizdiń ekonomikalyq odaǵymyz belgili sebepterge bailanysty sanktsiialyq qarsylyqtardyń saldarynan týyndaityn saiasi teketiresterdiń kúsheiýine jáne onyń elderimizdiń ekonomikasy men qarjy júiesine keri áserine alańdaýshylyq bildiredi. Valiýta baǵamyna, tólem júiesine, ekinshi deńgeili bankterge qatysty táýekel-qaterler kúsheie tústi. Biz Qazaqstanda daǵdarysqa qarsy sharalar qabyldap jatyrmyz. Bul tek basy ǵana, alda óte kúrdeli jumystar tur. Bul jumystardy Eýraziialyq ekonomikalyq odaq aiasyndaǵy áriptesterimizben kelise otyryp júrgizemiz dep oilaimyn. Ekonomikalyq, qarjylyq jáne ónerkásiptik júielerdegi tyǵyz yqpaldastyqty eskere otyryp, táýekel-qaterlerdi baǵalaýǵa jáne jaǵdaidyń keri áserin tómendetýge baǵyttalǵan ekonomikalyq sharalardy ázirleý úshin jumys tobyn qurý kerek, – dedi Prezident.
Qasym-Jomart Toqaev qarjy retteýshilerin qatystyra otyryp, ekonomikalyq vedomstvolar deńgeiindegi atalǵan jumys tobyn uiymdastyrýdy usyndy. Úilestirý jumystaryn Eýraziialyq ekonomikalyq komissiia óz qolyna alýǵa tiis. Onyń pikirinshe, syrtqy makroortadaǵy kúrdeli jaǵdaiǵa qaramastan, Eýraziialyq ekonomikalyq odaqtyń ekonomikalyq kórsetkishteri oń qarqyn kórsetýde.
– 2021 jyldyń qorytyndysy boiynsha Odaqtyń syrtqy saýdasy 34 paiyzdan asty, al ishki saýda kóleminiń kórsetkishi odan da joǵary, iaǵni 67 paiyzǵa jetti. Bul – Eýraziialyq odaqtyń ishki saýda-ekonomikalyq bailanystarynyń nyǵaiǵanyn bildiretin jaqsy kórsetkish. Ishki jalpy ónimniń jiyntyq ósimi – 4,4 paiyz. Bul boljanǵan kórsetkishten edáýir joǵary. Ózara saýda-sattyqty keńeitý, ekonomika salalaryndaǵy básekege qabilettilikti arttyrý jónindegi baǵytymyzdyń durys ekenine qýanyshtymyn, – dedi Memleket basshysy.
Qasym-Jomart Toqaev Eýraziialyq úkimetaralyq keńestiń kún tártibi óte tyǵyz ekenin atap ótti. Onyń pikirinshe, barlyq másele, sonyń ishinde óte ózekti problemalar jemisti ári tabysty talqylandy.
Kezdesý barysynda Eýraziialyq ekonomikalyq odaqqa múshe memleketter úkimetteriniń basshylary eýraziialyq integratsiianyń qazirgi jáne perspektivti máseleleri jóninde pikir almasty.
Premer-ministrlerdiń sózin tyńdaǵan Qazaqstan Prezidenti sońǵy oqiǵalarǵa bailanysty aýqymdy jumystar atqarý kerek ekenin atap ótti.
– Elderimizdiń úkimetteri asa kúrdeli problemalardy sheshýdiń tiimdi joldaryn tabýǵa tiis. Bul óte mańyzdy. Eýraziialyq ekonomikalyq odaqtyń jumysynan zor nátije kútemiz. Biz bar kúsh-jigerimizben jáne eńbegimizben memleketterimizdiń strategiialyq múddelerine sai keletin Eýraziialyq ekonomikalyq odaqtyń abyroiy men bedelin saqtaýymyz qajet. Shyn máninde, azamattarymyz bul Odaqtan naqty nátijeler kútedi, – dedi Qasym-Jomart Toqaev.
Kezdesý sońynda Qazaqstan Prezidenti úkimetter basshylaryna ortaq maqsattar men mindetterdi júzege asyrý isinde tabys tiledi.
