پرەزيدەنت قاسىم-جومارت توقاەۆ ەۋرازييالىق ەكونوميكالىق وداققا مٷشە مەملەكەتتەردٸڭ ٷكٸمەت باسشىلارىمەن كەزدەستٸ, - دەپ حابارلايدى اقوردا.
جيىنعا ارمەنييا پرەمەر-مينيسترٸ نيكول پاشينيان, بەلارۋس پرەمەر-مينيسترٸ رومان گولوۆچەنكو, قازاقستان پرەمەر-مينيسترٸ ەليحان سمايىلوۆ, قىرعىز رەسپۋبليكاسى مينيسترلەر كابينەتٸنٸڭ تٶراعاسى – پرەزيدەنت ەكٸمشٸلٸگٸنٸڭ باسشىسى اقىلبەك جاپاروۆ, رەسەي ٷكٸمەتٸنٸڭ تٶراعاسى ميحايل ميشۋستين, سونداي-اق باقىلاۋشى مەملەكەتتٸڭ ٶكٸلٸ رەتٸندە ٶزبەكستان پرەمەر-مينيسترٸ ابدۋللا اريپوۆ پەن ەۋرازييالىق ەكونوميكالىق كوميسسييا القاسىنىڭ تٶراعاسى ميحايل مياسنيكوۆيچ قاتىستى.
مەملەكەت باسشىسىنىڭ ايتۋىنشا, بٷگٸنگٸ كەزدەسۋ گەوساياسي احۋالدىڭ ٶتە قاتتى ۋشىعىپ تۇرعان كەزٸندە ٶتٸپ جاتىر.
– بٸزدٸڭ ەكونوميكالىق وداعىمىز بەلگٸلٸ سەبەپتەرگە بايلانىستى سانكتسييالىق قارسىلىقتاردىڭ سالدارىنان تۋىندايتىن ساياسي تەكەتٸرەستەردٸڭ كٷشەيۋٸنە جەنە ونىڭ ەلدەرٸمٸزدٸڭ ەكونوميكاسى مەن قارجى جٷيەسٸنە كەرٸ ەسەرٸنە الاڭداۋشىلىق بٸلدٸرەدٸ. ۆاليۋتا باعامىنا, تٶلەم جٷيەسٸنە, ەكٸنشٸ دەڭگەيلٸ بانكتەرگە قاتىستى تەۋەكەل-قاتەرلەر كٷشەيە تٷستٸ. بٸز قازاقستاندا داعدارىسقا قارسى شارالار قابىلداپ جاتىرمىز. بۇل تەك باسى عانا, الدا ٶتە كٷردەلٸ جۇمىستار تۇر. بۇل جۇمىستاردى ەۋرازييالىق ەكونوميكالىق وداق اياسىنداعى ەرٸپتەستەرٸمٸزبەن كەلٸسە وتىرىپ جٷرگٸزەمٸز دەپ ويلايمىن. ەكونوميكالىق, قارجىلىق جەنە ٶنەركەسٸپتٸك جٷيەلەردەگٸ تىعىز ىقپالداستىقتى ەسكەرە وتىرىپ, تەۋەكەل-قاتەرلەردٸ باعالاۋعا جەنە جاعدايدىڭ كەرٸ ەسەرٸن تٶمەندەتۋگە باعىتتالعان ەكونوميكالىق شارالاردى ەزٸرلەۋ ٷشٸن جۇمىس توبىن قۇرۋ كەرەك, – دەدٸ پرەزيدەنت.
قاسىم-جومارت توقاەۆ قارجى رەتتەۋشٸلەرٸن قاتىستىرا وتىرىپ, ەكونوميكالىق ۆەدومستۆولار دەڭگەيٸندەگٸ اتالعان جۇمىس توبىن ۇيىمداستىرۋدى ۇسىندى. ٷيلەستٸرۋ جۇمىستارىن ەۋرازييالىق ەكونوميكالىق كوميسسييا ٶز قولىنا الۋعا تيٸس. ونىڭ پٸكٸرٸنشە, سىرتقى ماكروورتاداعى كٷردەلٸ جاعدايعا قاراماستان, ەۋرازييالىق ەكونوميكالىق وداقتىڭ ەكونوميكالىق كٶرسەتكٸشتەرٸ وڭ قارقىن كٶرسەتۋدە.
– 2021 جىلدىڭ قورىتىندىسى بويىنشا وداقتىڭ سىرتقى ساۋداسى 34 پايىزدان استى, ال ٸشكٸ ساۋدا كٶلەمٸنٸڭ كٶرسەتكٸشٸ ودان دا جوعارى, ياعني 67 پايىزعا جەتتٸ. بۇل – ەۋرازييالىق وداقتىڭ ٸشكٸ ساۋدا-ەكونوميكالىق بايلانىستارىنىڭ نىعايعانىن بٸلدٸرەتٸن جاقسى كٶرسەتكٸش. ٸشكٸ جالپى ٶنٸمنٸڭ جيىنتىق ٶسٸمٸ – 4,4 پايىز. بۇل بولجانعان كٶرسەتكٸشتەن ەدەۋٸر جوعارى. ٶزارا ساۋدا-ساتتىقتى كەڭەيتۋ, ەكونوميكا سالالارىنداعى بەسەكەگە قابٸلەتتٸلٸكتٸ ارتتىرۋ جٶنٸندەگٸ باعىتىمىزدىڭ دۇرىس ەكەنٸنە قۋانىشتىمىن, – دەدٸ مەملەكەت باسشىسى.
قاسىم-جومارت توقاەۆ ەۋرازييالىق ٷكٸمەتارالىق كەڭەستٸڭ كٷن تەرتٸبٸ ٶتە تىعىز ەكەنٸن اتاپ ٶتتٸ. ونىڭ پٸكٸرٸنشە, بارلىق مەسەلە, سونىڭ ٸشٸندە ٶتە ٶزەكتٸ پروبلەمالار جەمٸستٸ ەرٸ تابىستى تالقىلاندى.
كەزدەسۋ بارىسىندا ەۋرازييالىق ەكونوميكالىق وداققا مٷشە مەملەكەتتەر ٷكٸمەتتەرٸنٸڭ باسشىلارى ەۋرازييالىق ينتەگراتسييانىڭ قازٸرگٸ جەنە پەرسپەكتيۆتٸ مەسەلەلەرٸ جٶنٸندە پٸكٸر الماستى.
پرەمەر-مينيسترلەردٸڭ سٶزٸن تىڭداعان قازاقستان پرەزيدەنتٸ سوڭعى وقيعالارعا بايلانىستى اۋقىمدى جۇمىستار اتقارۋ كەرەك ەكەنٸن اتاپ ٶتتٸ.
– ەلدەرٸمٸزدٸڭ ٷكٸمەتتەرٸ اسا كٷردەلٸ پروبلەمالاردى شەشۋدٸڭ تيٸمدٸ جولدارىن تابۋعا تيٸس. بۇل ٶتە ماڭىزدى. ەۋرازييالىق ەكونوميكالىق وداقتىڭ جۇمىسىنان زور نەتيجە كٷتەمٸز. بٸز بار كٷش-جٸگەرٸمٸزبەن جەنە ەڭبەگٸمٸزبەن مەملەكەتتەرٸمٸزدٸڭ ستراتەگييالىق مٷددەلەرٸنە ساي كەلەتٸن ەۋرازييالىق ەكونوميكالىق وداقتىڭ ابىرويى مەن بەدەلٸن ساقتاۋىمىز قاجەت. شىن مەنٸندە, ازاماتتارىمىز بۇل وداقتان ناقتى نەتيجەلەر كٷتەدٸ, – دەدٸ قاسىم-جومارت توقاەۆ.
كەزدەسۋ سوڭىندا قازاقستان پرەزيدەنتٸ ٷكٸمەتتەر باسشىلارىنا ورتاق ماقساتتار مەن مٸندەتتەردٸ جٷزەگە اسىرۋ ٸسٸندە تابىس تٸلەدٸ.
