QR Prezidenti Qasym-Jomart Toqaev Eýraziialyq ekonomikalyq odaq elderine mikrochipter men kompiýterlik elementterdi birlesip shyǵarýdy usyndy, dep habarlaidy QazAqparat.
«Úshinshi jyl qatarynan tsifrlyq ónimder men elektrondy qyzmetterge teńdessiz suranystyń oryn alǵanyna kýá bolyp otyrmyz. Buǵan qosa, tek qana ekskliýzivti, innovatsiialyq tehnologiialyq sheshimderge ǵana emes, sonymen birge qarapaiym tsifrlyq shyǵys materialdarǵa da kúres júrip jatyr. Qazirdiń ózinde mashina jasaý álemdik naryǵynda mikrochipter men kompiýterlik elementterdiń jetispeýshiligi saldarynan júieli irkilister oryn alýda»,- dedi QR Prezidenti Joǵary Eýraziialyq ekonomikalyq keńestiń otyrysynda.
Memleket basshysy EAEO elderiniń de mashina jasaý salasy osyndai problemaǵa tap bolyp otyrǵandyǵyn basa aitty.
«Osyǵan bailanysty Úkimetterimizge ǵylymi-zertteý instittarynyń járdemimen mashina jasaý salasy úshin mikrochipter men kompiýterlik elementter shyǵarý boiynsha birlesken kooperatsiialyq jobalardy júzege asyrý máselesin pysyqtaý qajet. Kásiporyndarymyzdyń qajettiligin tolyq kólemde qanaǵattandyratyn, al odan keiin eksportty jolǵa qoiýǵa múmkindik beretin óndiristik baza qurý talap etiledi», - dedi Qasym-Jomart Toqaev.
