قر پرەزيدەنتٸ قاسىم-جومارت توقاەۆ ەۋرازييالىق ەكونوميكالىق وداق ەلدەرٸنە ميكروچيپتەر مەن كومپيۋتەرلٸك ەلەمەنتتەردٸ بٸرلەسٸپ شىعارۋدى ۇسىندى, دەپ حابارلايدى قازاقپارات.
«ٷشٸنشٸ جىل قاتارىنان تسيفرلىق ٶنٸمدەر مەن ەلەكتروندى قىزمەتتەرگە تەڭدەسسٸز سۇرانىستىڭ ورىن العانىنا كۋە بولىپ وتىرمىز. بۇعان قوسا, تەك قانا ەكسكليۋزيۆتٸ, يننوۆاتسييالىق تەحنولوگييالىق شەشٸمدەرگە عانا ەمەس, سونىمەن بٸرگە قاراپايىم تسيفرلىق شىعىس ماتەريالدارعا دا كٷرەس جٷرٸپ جاتىر. قازٸردٸڭ ٶزٸندە ماشينا جاساۋ ەلەمدٸك نارىعىندا ميكروچيپتەر مەن كومپيۋتەرلٸك ەلەمەنتتەردٸڭ جەتٸسپەۋشٸلٸگٸ سالدارىنان جٷيەلٸ ٸركٸلٸستەر ورىن الۋدا»,- دەدٸ قر پرەزيدەنتٸ جوعارى ەۋرازييالىق ەكونوميكالىق كەڭەستٸڭ وتىرىسىندا.
مەملەكەت باسشىسى ەاەو ەلدەرٸنٸڭ دە ماشينا جاساۋ سالاسى وسىنداي پروبلەماعا تاپ بولىپ وتىرعاندىعىن باسا ايتتى.
«وسىعان بايلانىستى ٷكٸمەتتەرٸمٸزگە عىلىمي-زەرتتەۋ ينستيتتارىنىڭ جەردەمٸمەن ماشينا جاساۋ سالاسى ٷشٸن ميكروچيپتەر مەن كومپيۋتەرلٸك ەلەمەنتتەر شىعارۋ بويىنشا بٸرلەسكەن كووپەراتسييالىق جوبالاردى جٷزەگە اسىرۋ مەسەلەسٸن پىسىقتاۋ قاجەت. كەسٸپورىندارىمىزدىڭ قاجەتتٸلٸگٸن تولىق كٶلەمدە قاناعاتتاندىراتىن, ال ودان كەيٸن ەكسپورتتى جولعا قويۋعا مٷمكٸندٸك بەرەتٸن ٶندٸرٸستٸك بازا قۇرۋ تالاپ ەتٸلەدٸ», - دەدٸ قاسىم-جومارت توقاەۆ.
