Foto: Akorda.kz
Qasym-Jomart Toqaev BAÁ Vitse-prezidenti, Premer-ministri, Dýbai ámirliginiń bileýshisi sheih Muhammed ben Rashid Ál Maktýmmen kezdesti, dep habarlaidy "Ult aqparat" Aqordanyń resmi saityna silteme jasap.
Memleket basshysy qonaqjailyq kórsetkeni úshin sheih Muhammed ben Rashid Ál Maktýmǵa alǵys aityp, Birikken Arab Ámirlikterine jasaǵan resmi sapary aiasynda nátijeli kelissózder júrgizilgenin jáne eki el arasynda mańyzdy ekijaqty kelisimderge qol jetkizilgenin atap ótti.
Áńgimelesý barysynda Prezident Qasym-Jomart Toqaev «Astana» halyqaralyq qarjy ortalyǵy Ámirlikterdiń basty qarjy institýttarymen qarym-qatynas ornatqanyna toqtalyp, eki eldiń isker toptary arasyndaǵy bailanysty jandandyrý máselesine nazar aýdardy.
Óz kezeginde sheih Muhammed ben Rashid Ál Maktým Qazaqstan men Ámirlikter arasyndaǵy ekonomikalyq yntymaqtastyqty odan ári nyǵaitýǵa nietti ekenin jetkizdi.
Kezdesý sońynda Memleket basshysy Qasym-Jomart Toqaev BAÁ Vitse-prezidenti, Premer-ministri, Dýbai ámirliginiń bileýshisin Qazaqstanǵa resmi saparmen kelýge shaqyrdy.
Sheih Muhammed ben Rashid Ál Maktým Prezidenttiń shaqyrýyn qabyl alyp, Qazaqstanǵa sapar shegý zor mártebe ekenin aitty.
