QR Prezidenti Qasym-Jomart Toqaev Belarýs eliniń mádeniet qairatkerlerin Qazaqstanǵa shaqyrdy, dep habarlaidy "Ult aqparat".
«Tyǵyz mádeni-gýmanitarlyq bailanystar — eki el dostyq qatynastarynyń mańyzdy faktory. Osy oraida elder arasyndaǵy bailanystar shyǵarmashylyq ziialy qaýymmen, oqý oryndarymen jáne ǵylymi uiymdarmen qoldaý taýyp keledi. Biz aldaǵy jyly Belarýstyń ataqty mádeniet qairatkerleri Qazaqstanǵa kelip, qazaq qoǵamdastyǵy aldynda óner kórsetedi dep kelistik», - dedi Prezident.
Osy oraida Memleket basshysy keiinnen Qazaqstannyń belgili mádeniet qairatkerleri, ártisteri Minskke jáne ózge de qalalarǵa baratynyn atap ótti.
«Qazaqstan mádenietiniń ókilderi Belarýs jerinde ótkizilip jatqan mýzykalyq baiqaýlarǵa, teatrlyq ári kinofestivalderge belsendi qatysyp, júldeli oryndarǵa ie bolýda. Bizdiń talantty oryndaýshymyz Dimash Qudaibergenniń juldyzy dál osy Belarýs jerinde janǵan bolatyn, iaǵni 2015 jyly «Slavian bazary» baiqaýyndaǵy jeńis onyń álemdik deńgeide moiyndalýyna jol ashty», - dedi Q. Toqaev.
