Qazaqstan Prezidenti Qasym-Jomart Toqaev BUU Bas hatshysy Antoniý Gýterrishke kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Bengazidegi jarylys saldarynan qaza tapqan BUU-nyń Liviiadaǵy missiiasy qyzmetkerleriniń otbasylary men jaqyndaryna kóńil aitty.
«Bul zulymdyqqa toly lańkestik shabýyl izgilik pen janashyrlyq qundylyqtaryn dáripteitin qasietti musylman merekesi – Qurban ait qarsańynda jasalǵany asa jan túrshigerlik jaǵdai bolyp tabylady. Álemdik qaýymdastyqtyń zorlyq-zombylyqqa qarsy birlesken jáne batyl kúreske shaqyratyn úndeýin berik qoldai otyryp, Qazaqstan lańkestiktiń eshqandai túri men kórinisin qabyldamaidy. Biz BUU qyzmetkerleriniń jahandyq uiymnyń igi maqsattaryna qol jetkizý jolyndaǵy qyzmetin joǵary baǵalaimyz», – delingen jedelhatta.
