Memleket basshysy Qazaqstanǵa resmi saparmen kelgen Birikken Ulttar Uiymy Bas Assambleiasy 76-sessiiasynyń tóraǵasy Abdýlla Shahidpen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev Abdýlla Shahidke iltipat bildire otyryp, Qazaqstan men BUU arasyndaǵy yqpaldastyqty odan ári keńeitý jolynda onyń bul saparynyń mańyzdy ekenin atap ótti.
Prezident jahandyq beibitshilikti, qaýipsizdik jáne turaqty damýdy qamtamasyz etýdegi Dúniejúzilik uiymnyń airyqsha rólin atap ótti. Sonymen qatar, Abdýlla Shahidtiń BUU Bas Assambleiasynyń tóraǵasy laýazymyndaǵy belsendi qyzmetin joǵary baǵalady.
«BUU Bas Assambleiasynyń 77-sessiiasy – barsha adamzat úshin eń qajetti sheshimderdi usyný maqsatymen basshylardyń syndarly jaǵdaida bas qosýy úshin biregei múmkindik. Biz osy mańyzdy is-sharany nátijeli ótkizý úshin Sizdiń qosyp otyrǵan úlesińizdi qurmetteimiz», - dedi Memleket basshysy.
Óz kezeginde BUU Bas Assambleiasy 76-sessiiasynyń tóraǵasy elimizge, Ortalyq Aziiaǵa alǵash ret kelgenin aityp, Qazaqstan men BUU arasyndaǵy 30 jyldyq kezeńdegi kópjosparly áriptestiktiń deńgeiine kóńili tolatynyn jetkizdi. Sondai-aq, Qazaqstan Prezidentiniń bastamasymen elimizde júzege asyrylyp otyrǵan aýqymdy reformalardy, Konstitýtsiiaǵa ózgerister engizý boiynsha ótken referendýmdy joǵary baǵalady.
Qasym-Jomart Toqaev biyl 13-15 qyrkúiete elordamyzda Álemdik jáne dástúrli dinder kóshbasshylarynyń jetinshi sezi ótetinine toqtalyp, Birikken Ulttar Uiymynyń qoldaýyna alǵysyn bildirdi baǵalaitynyn jetkizdi.
Abdýlla Shahid Álemdik jáne dástúrli dinder kóshbasshylarynyń jiynyn mańyzdy alań dep atap, sezdiń mártebesin joǵary baǵalady. Onyń aitýynsha, álem elderinde kóp jaǵdaida túsinbestik adamdardyń nanym-senimine qarai kemsitýinen týyndap jatady. Sondyqtan BUU Bas Assambleiasynyń tóraǵasy dini kóshbasshylardyń jetinshi sezinde rýhani jetekshilerdiń álemdik beibitshilikti nasihattaýy negizgi messedj bolatynyna senetinin jetkizdi.
