Qazaqstan Prezidenti Qasym-Jomart Toqaev memlekettik qyzmetshilerdiń "Bolashaq" baǵdarlamasyna qatysýyna qatysty pikir bildirdi, dep habarlaidy Sputnik Qazaqstan.
"Bilim jáne ǵylym ministrliginde, sondai-aq, ulttyq ekonomika ministrliginde bolǵan bir mysaldy keltirýge bolady. Ol jerde ministrdiń orynbasary dárejesinde saiasi qyzmetshiler "Bolashaq" baǵdarlamasy boiynsha oqimyn dep, qyzmetten op-ońai kete salady. Sonda 45 jastan keiin de oqi beredi. Ondai mysaldar kóp", - dedi Toqaev úkimettiń keńeitilgen otyrysynda.
Prezidenttiń aitýynsha, ministrdiń orynbasary "Bolashaq" baǵdarlamasymen oqýǵa ketkende, onyń ornyna bir jylǵa basqa adamdy taǵaiyndai salady.
"Bul – absýrd, memlekettik qyzmet emes. Sabaqtastyq qaida? Prezident ákimshiligi "Bolashaq" baǵdarlamasynyń talaptaryna ózgeris engizýi kerek. Saiasi qyzmetshiler óz bilimin shyńdai alady. Biraq onymen óz erkimen bos ýaqytta ainalyssyn. Oǵan memleket qarjysy jumsalmaýy qajet", - dep atap ótti Toqaev.
