Qazaqstan Prezidenti Qasym-Jomart Toqaev Frantsiianyń Ekonomika jáne qarjy ministri Brýno Le Merdi qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysy Qazaqstan men Frantsiia arasynda senimdi ekijaqty yntymaqtastyq ornaǵanyn, ásirese, saýda-ekonomikalyq jáne saiasi salalarda zor múmkindikter baryn atap ótti.
– Biz Frantsiiany Eýropa Odaǵy sheńberindegi negizgi seriktes retinde qarastyramyz. EO Qazaqstannyń basty saýda seriktesi bolyp tabylady. Ekijaqty saýda kólemi 4,5 milliard dollarǵa jetti. Al Frantsiiadan el ekonomikasyna tartylǵan tikelei investitsiialar kólemi 15 milliard dollardan asty, – dedi Qasym-Jomart Toqaev.
Memleket basshysy Qazaqstanda jumys istep jatqan frantsýz kompaniialarynyń tabysty qyzmetin atap ótip, Frantsiia ministrine elimizde olardyń tiimdi jumys isteýi úshin barlyq jaǵdai jasalatynyn aitty.
B.Le Mer Qazaqstan Prezidentine jyly qarsy alǵany úshin alǵysyn bildirip, Frantsiia men Qazaqstandy kópjyldyq ózara tiimdi strategiialyq áriptestik bailanystyratynyn atap ótti. Frantsiianyń Ekonomika jáne qarjy ministri eki el arasyndaǵy ózara jemisti is-qimyldardy barynsha arttyrýǵa niettestik bildirdi.
Sońynda Memleket basshysy Frantsiia kóshbasshysy Emmaniýel Makronǵa sálem joldap, izgi tilegin bildirdi.
