Prezident Qasym-Jomart Toqaev Bilim jáne ǵylym ministrligin eki vedomstvoǵa bólýdi usyndy, - dep habarlaidy QazAqparat.
«Onyń biri joǵary bilim jáne ǵylym máselelerimen ainalysatyn bolady. Jalpy, men atap kórsetken sheshimder qazaqstandyq ǵylymdy keshendi damytýǵa, onyń básekege qabilettiligin arttyrýǵa jáne eldiń turaqty áleýmettik-ekonomikalyq progresindegi úlesine baǵyttalǵan», - dedi Qasym-Jomart Toqaev Ulttyq ǵylym akademiiasynyń 75 jyldyǵyna arnalǵan saltanatty sessiiada sóilegen sózinde.
Sonymen qatar, Memleket basshysy ǵylymi zertteý jumystarynyń sapasyn arttyrý múmkindikterine de toqtaldy.
«Buǵan qosa ǵylymi-zertteý jumystarynyń sapasyn aitarlyqtai deńgeide kóterýge múmkindik beretin Ulttyq dáieksóz alý júiesin qurýymyz qajet dep esepteimin. Bul qadam qazaqstandyq ǵylymi jýrnaldardyń áleýetin nyǵaitýdy talap etedi», - dedi Prezident.
