Prezident Qasym-Jomart Toqaev Túrikmenstan Prezidenti Gýrbangýly Berdimuhamedovpen telefon arqyly sóilesti, - dep habarlaidy "Ult aqparat" Aqordaǵa silteme jasap.
Memleket basshylary ekijaqty qarym-qatynasty odan ári nyǵaitý baǵyttaryn, onyń ishinde Qazaqstan Prezidentiniń byltyr qazanda Ashhabadqa jasaǵan memlekettik saparynyń qorytyndysy boiynsha qol jetkizilgen ýaǵdalastyqtardyń iske asyrylý barysyn talqylady.
Prezidentter ózara saýda-sattyq kóleminiń artqanyna, energetika, kólik, ónerkásip jáne aýyl sharýashylyǵy salalaryndaǵy yntymaqtastyqtyń jandanǵanyna kóńili tolatynyn aitty. Áńgimelesý barysynda qos memleket basshysy baýyrlas eki el arasyndaǵy saýda-ekonomikalyq, investitsiialyq jáne mádeni-gýmanitarlyq bailanystardy odan ári keńeitýge nietti ekenderin aitty.
Qasym-Jomart Toqaev Túrikmenstan prezidentine shynaiy qurmetin bildirip, Gýrbangýly Berdimuhamedovtiń kezekten tys prezident sailaýyn ótkizý jónindegi sheshimin qoldaitynyn málimdedi. Qasym-Jomart Toqaevtyń aitýynsha, Túrikmenstan basshysynyń saiasi ári ómirlik mol tájiribesi osy memlekettiń órkendeýine septigin tigizeri sózsiz.
