Memleket basshysy Ashhabadqa jumys sapary barysynda Túrikmenstan Ulttyq keńesi Halyq máslihatynyń tóraǵasy Gýrbangýly Berdimuhamedovpen kezdesý ótkizdi, dep habarlaidy "Ult aqparat" Aqordaǵa silteme jasap.
Qazaqstan Prezidenti, eń aldymen, Gýrbangýly Berdimuhamedovti týǵan kúnimen quttyqtap, onyń basshylyǵymen Túrikmenstannyń qol jetkizgen áleýmettik-ekonomikalyq jetistikterin atap ótti.
Kezdesý barysynda diplomatiialyq qarym-qatynastar ornaǵan 30 jyldyń ishinde Qazaqstan men Túrikmenstannyń bailanysy baýyrlastyq ári strategiialyq seriktestik deńgeiine jetkeni aityldy. Taraptar eki el arasyndaǵy saýda-ekonomikalyq, mádeni-gýmanitarlyq qatynastardyń qarqyndy damyp kele jatqanyna toqtaldy.
Qasym-Jomart Toqaev qazaq-túrikmen qarym-qatynastaryna qosqan ólsheýsiz úlesi úshin Gýrbangýly Berdimuhamedovti Qazaqstan Respýblikasynyń joǵary memlekettik nagradasy «Altyn Qyran» ordenimen marapattady. Sonymen qatar Halyq máslihaty tóraǵasy retinde eliniń damýyna, aimaqtyń turaqtylyǵy men qaýipsizdigi jolynda eńbek ete beretinine senim bildirdi.
