مەملەكەت باسشىسى اشحابادقا جۇمىس ساپارى بارىسىندا تٷرٸكمەنستان ۇلتتىق كەڭەسٸ حالىق مەسليحاتىنىڭ تٶراعاسى گۋربانگۋلى بەردٸمۇحامەدوۆپەن كەزدەسۋ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ, ەڭ الدىمەن, گۋربانگۋلى بەردٸمۇحامەدوۆتٸ تۋعان كٷنٸمەن قۇتتىقتاپ, ونىڭ باسشىلىعىمەن تٷرٸكمەنستاننىڭ قول جەتكٸزگەن ەلەۋمەتتٸك-ەكونوميكالىق جەتٸستٸكتەرٸن اتاپ ٶتتٸ.
كەزدەسۋ بارىسىندا ديپلوماتييالىق قارىم-قاتىناستار ورناعان 30 جىلدىڭ ٸشٸندە قازاقستان مەن تٷرٸكمەنستاننىڭ بايلانىسى باۋىرلاستىق ەرٸ ستراتەگييالىق سەرٸكتەستٸك دەڭگەيٸنە جەتكەنٸ ايتىلدى. تاراپتار ەكٸ ەل اراسىنداعى ساۋدا-ەكونوميكالىق, مەدەني-گۋمانيتارلىق قاتىناستاردىڭ قارقىندى دامىپ كەلە جاتقانىنا توقتالدى.
قاسىم-جومارت توقاەۆ قازاق-تٷرٸكمەن قارىم-قاتىناستارىنا قوسقان ٶلشەۋسٸز ٷلەسٸ ٷشٸن گۋربانگۋلى بەردٸمۇحامەدوۆتٸ قازاقستان رەسپۋبليكاسىنىڭ جوعارى مەملەكەتتٸك ناگراداسى «التىن قىران» وردەنٸمەن ماراپاتتادى. سونىمەن قاتار حالىق مەسليحاتى تٶراعاسى رەتٸندە ەلٸنٸڭ دامۋىنا, ايماقتىڭ تۇراقتىلىعى مەن قاۋٸپسٸزدٸگٸ جولىندا ەڭبەك ەتە بەرەتٸنٸنە سەنٸم بٸلدٸردٸ.
