Qazaqstan Prezidenti «Báiterek» ulttyq basqarýshy holdingi» AQ basqarma tóraǵasy Aidar Áriphanovty qabyldady, dep habarlaidy "Ult aqparat" Aqordaǵa silteme jasap.
Memleket basshysyna holdingtiń biylǵy birinshi jartyjyldyqtaǵy qyzmeti men odan ári damý jospary týraly málimet berildi.
Atap aitqanda, Prezidentke «Báiterek» holdinginiń «Nurly jol» jáne «Nurly jer» memlekettik baǵdarlamalaryn qarjylandyrýǵa qatysýy týraly baiandady.
Sondai-aq, Qasym-Jomart Toqaevqa áleýmettik jaǵdaiy tómen toptaǵy azamattarǵa arnalǵan qoljetimdi turǵyn úi qurylysy, ShOB-ty qoldaý, eldiń eksporttyq áleýetin jáne «qarapaiym zattar» ekonomikasyn damytý, Qazaqstannyń Damý Banki jelisi boiynsha iri jobalardy júzege asyrý jónindegi holdingtiń atqarǵan jumystary týraly maǵlumat berildi.
Memleket basshysy holdingtiń negizgi basymdyqtarynyń biri bolýǵa tiis, «Baqytty otbasy» turǵyn úi baǵdarlamasyn sapaly iske asyrýdyń mańyzdylyǵyna nazar aýdardy. Sonymen qatar, Prezident shaǵyn jáne orta biznesti damytý boiynsha holdingtiń qyzmetin jandandyrýdy tapsyrdy.
