Foto: Akorda.kz
Memleket basshysy BAÁ-niń Qazaqstandaǵy elshisi Muhammed Said Muhammed ál-Arikidi qabyldady, dep habarlaidy "Ult aqparat" Aqordanyń resmi saityna silteme jasap.
Kezdesýde buǵan deiin joǵary deńgeide qol jetkizilgen ýaǵdalastyqtardy júzege asyrý máseleleri talqylandy.
Memleket basshysy saýda-ekonomika salasy ekijaqty bailanystardyń basty baǵyty sanalatynyn aitty. Bul rette eki eldiń úkimetterine taiaý keleshekte saýda-sattyq kólemin 1 milliard dollarǵa deiin jetkizý mindeti júktelgenin eske saldy.
Sonymen qatar Prezident Strategiialyq investitsiialyq jobalar týraly birlesken málimdemege sáikes energetika, aýyl sharýashylyǵy, kólik jáne logistika salalaryndaǵy qarym-qatynasty odan ári nyǵaitýdyń mańyzdylyǵyna nazar aýdardy.
Qasym-Jomart Toqaev Ámirlikterdiń Masdar kompaniiasymen jańartylatyn energiia kózderi salasyndaǵy birlesken jobalardy ilgeriletý boiynsha yntymaqtastyqtyń qarqyndy damyp kele jatqanyn, sondai-aq AD Ports Group jáne Terminals Holding kompaniialarymen birlesip kólik-logistika jelisi men áýe tasymaly qyzmetterin keńeitýdi kózdeitin investitsiialyq jobalardyń júzege asyryla bastaǵanyn atap ótti.
Áńgimelesý barysynda aqparattyq tehnologiialardy damytý baǵytyndaǵy yqpaldastyq máselesine airyqsha mán berildi.
Kezdesý sońynda Prezident Qazaqstan men Ámirlikter arasyndaǵy dostyq pen yntymaqtasty nyǵaitýǵa zor eńbek sińirgeni úshin Muhammed Said Muhammed ál-Arikidi II dárejeli «Dostyq» ordenimen marapattady.
