Qazaqstan Prezidenti Qasym-Jomart Toqaev Úkimet pen Ulttyq banke infliatsiiany 8,5%-ten asyrmaýdy tapsyrdy. Bul týraly Aqorda baspasóz qyzmeti Twitter-de habarlady.
Ekibastuz qalasyna jumys saparymen barǵan Memleket basshysy monoqalalardy damytý jónindegi keńeste azyq-túlik baǵasyna da toqtaldy.
"Biyl áleýmettik mańyzy bar azyq-túlik taýarlarynyń baǵasy 10,4 paiyzǵa qymbattady. 9 aidyń qorytyndysy boiynsha infliatsiianyń jalpy ósimi 8,9 paiyzdy qurady. Egin jinaý naýqany aiaqtalǵanymen, kókónisterdiń baǵasy sharyqtap tur. Basqa da azyq-túlik taýarlarynyń baǵasy qymbattap barady. Meniń tapsyrmam boiynsha deldaldyq áreketterdi anyqtaý jónindegi aimaqtyq komissiialar quryldy. Al, shyn máninde, eshteńe istelmegen. Nátijesin Prezident te, halyq ta kórip otyrǵan joq. Prezident Ákimshiligi osy máseleni zerttep, bir apta ishinde esep berýi kerek", - dedi Toqaev.
