Qazaqstan Prezidenti Ázerbaijan Milli Májilisiniń spikeri Sagiba Gafarovany qabyldady, - dep habarlaidy "Ult aqparat" Akorda.kz saityna silteme jasap.
Kezdesý barysynda Qasym-Jomart Toqaev Qazaqstan men Ázerbaijan arasyndaǵy qatynastardyń erekshe sipatqa ie ekenin aitty.
Sońǵy jyldary memleketaralyq yntymaqtastyǵymyz qarqyndy damyp keledi. Ázerbaijan Prezidenti Ilham Álievpen árdaiym bailanystamyn. Biz elderimiz arasyndaǵy ózara qarym-qatynastardyń qazirgi jaǵdaiy men damý perspektivalary týraly únemi pikir almasamyz. Táýelsizdik alǵan ýaqyttan beri elderimiz arasyndaǵy yntymaqtastyqty tabysty jalǵastyryp kelemiz, – dedi Prezident.
Memleket basshysy eki eldiń parlamentaralyq dialogynyń jandanyp kele jatqanyn erekshe atap ótti.
Keiingi jyldary parlamenttik diplomatiia birte-birte saiasi mańyzǵa ie bolyp keledi. TúrkPA-nyń jýyrda ótken otyrysynyń qorytyndylary – munyń anyq dáleli. Atalǵan jiyn óte tabysty boldy jáne birlesken óte mazmundy qujat qabyldandy, – dedi Qasym-Jomart Toqaev.
Milli Májilis spikeri kezdesýge múmkindik bergeni úshin Memleket basshysyna alǵys aityp, Prezident Ilham Álievtiń júrekjardy sálemin jetkizdi. Sonymen qatar TúrkPA jumysynyń qorytyndylary týraly aitty.
Biz Assambleianyń jumysyna atsalysqanymyzǵa óte qýanyshtymyz. Qazaq halqynyń rýhani ortalyǵy – Túrkistanda bolǵan eki kún ishinde, onda atqarylyp jatqan aýqymdy jumystarǵa kýá boldyq. Kórgenimizdiń bári bizdi qatty tamsandyrdy. Ázerbaijan men Qazaqstan baýyrlas memleketter. Bizdi túrkilik tamyrymyz, ortaq mádenietimiz ben dástúrimizdiń uqsastyǵy siiaqty kóp dúnieler biriktiredi. Sonymen qatar Ázerbaijan men Qazaqstan – strategiialyq seriktester, – dedi Sagiba Gafarova.
