Qasym-Jomart Toqaev aýyr jaraqattan qaitys bolǵan arystyq balanyń qazasyna bailanysty onyń ata-anasy men týǵan týystaryna kóńil aitty.
«Ókinishke qarai, avtokólik qaǵyp, aýyr jaraqat alǵan arystyq bala elorda aýrýhanasynda qaitys boldy. Ata-anasy men týǵan-týystaryna kóńil aitamyn. Imandy bolsyn!», - dep jazdy Memleket basshysy twitter-degi paraqshasynda.
Keshe, 2 tamyzda Nur-Sultan qalasynyń densaýlyq saqtaý basqarmasy Arystaǵy oqiǵa kezinde kólik astyna túsip, elordadaǵy №2 aýrýhanaǵa jetkizilgen Aian Sháripbaevtyń qaitys bolǵanyn rastady.
Oǵan deiin QR Densaýlyq saqtaý ministri Eljan Birtanov Aian Sháripbaevty sheteldik mamandar da qaraǵanyn, alaida jaǵdaiy nashar jatqanyn málim etken bolatyn.
